Чепер хуьре газ

Мариф Кадимов -> Всем
Чепер хуьре газ
Мое выступление на митинге.
Чан жемятар!
Къе жи хуьруьн баркаллу тарихдин кьет1ен югъ я! Жи хуьруьн жемятди мад сеферда къалурна, уьчивай фихьтин четин проблема хьийт1ани гьал ийиз жедий ч1ал.
Вучиз чавай и кар алакьзават1а  чвез чидени?
Вучиз лагьайт1а чун Гьажи Давудан  невеяр я. Гьажи Давуд  - вири дагъустандин халкьарин къайгъу чуваз алакьай кас я!
Чун Ярали бубадин балаяр, невеяр я! Ярали буба  - дяведин ц1ай авай йисара хуьр хвей кас я!
Жи жемят  игит рухвайрин  балаярни невеяр я. Къе чи Сагьраб стхади авунвай к1валахдин дережани –  игитвилин дережа я!
Мумкин я, пара ксар гъавурда авач жеда. За лугьуда, чуьне фикир ча, эхиримжи 30-40 йисуз хуьре фикьадар  еке, пара еке, пулар авай инсанар хьана. Рик1ел гахваш кассайра, банкара кайла винел акъатай суммаяр…. Бязибуруз, жемятдиз ваъ, уьчин аялриз са вад-ц1уд манат расход ийидий рик1авачир. Ахьтин инсанрай акур крар рик1ел хтайла, Сагьраба ва Шириноврин хзанди авур к1валахдин къимет рик1ивай чир жезва.  И ксари авур к1валахдихъ мад са шумуд кьет1енвал ава:
1. Эвелни – эвел еке регьятвал я жемятдиз
2.Има еке чешне я жегьилриз.   Жегьилриз чирна к1ан я, жемят патал ийизвай к1валахар, ч1увзавай зегьметар - аллагьдин рекье ийизвай к1валахарни зегьметар я. И крарин гьавез аллагьди са шумуд гъилер артух яз хгуда  ч1ал, уьчиз тахьайт1ани, аялриз…
3. Газ гъун себеб яз, жемятар к1ват1 хъхьунин, сад садав агат хъувунин гуьзетвални  ава, жегьилар хуьрел аламукьунин гуьзетвал ава.
Са гафуналди, хуьрел чан хтана вичин баркаллу т1вар тестикьар хъийидайдахъ инанмиш я.
Чухсагъул лугьуз к1анзава, к1валах кьилиз тухвай ксариз – Абдуселим стхадиз ва адан командадиз. Мад хъсан гафар къвезва - Осман Махмудовичазни, Алимаз – чи властьдиз, абуру рехъ ачух  тавурт1а, са к1валахни арадал къвезвайди туш. Лап хъсан гафар къвезва - чкадал алай инсанриз, заз чизва пара ксари чпел са к1усни кагьулвал тавуна еке зегьметар ч1угунва. Сагърай Лезгияр, сагърай Чепер!

*
 
*