Обращение к джабинцам

Зи багъри ерияр. Чепер хуьр. Фильм про с.Джаба, Ахтынский район.Съемки Лидер тв.

   Нажмите здесь!

Гьажи - Давуда вичи кихьенвай са шиирдикай малумат

Материал инай къачунвайди я :
https://www.stihi.ru/2013/12/12/5576


Атлухан эфенди


Вичин девирда Куьре вилаятда еке арабистрикай сад, жуьреба-жуьре илимрай хабардар мударис. Ада и илимар эвел вичин буба Эмирханавай, адани Вини СтІалдал еке алим, шаир Аругъ-ад-динавай къачуна, сифте яз Агъа СтІалдал, патарилайни кваз атана, диндин къанунар чирдай медреса ачухна. 1997-йисан 21 мартдин Лезги газетдай рагьметлу Садыкидин «Къимет гуз тежер савкьватар» тІвар  алай макъалада ихьтин шад хабар гузва:» Тарихда чаз икьван чІавалди я Гьажи Давудакай, а дакай вичикайни а девирдин инсанри кхьей эсерар малум тушир. Амма гила…Шейх ва муьршид Мегьамед эфендиди ал-Ярагъидин генекологиядиз талукь материалар жагъурдайла, зал жуван хсуси архивдай  Мала Рамазан Фейзуллагь эфенди-Лгави-Пиркенди тІвар алай са алимди –шаирди кхьенвай ктаб гьалтна. И ктабда Навруз ал-Жебелидин тІвар алай са шаиирди туьрк чІалал кхьей кьве шиир ва Мала Рамазана вичи гьам араб, гьам туьрк чІаларал кхьенвай хейлин шиирарни ава. ГьакІ ятІани, Навруз ал-Жебелидин шииррин цІарарай зи вил «Женнетэгьли Гьажи Давуд» гафарик хкІуна. И шиир гила вичин тІвар чаз раиж хъхьанвай, лезгийрин зурба полководец,чІехи инсанперес, игит хва Гьажи Давудаз бахшнавайди тирди за кьатІана. За ам чи чІалаз акъагъарна. КилигайтІа, шаирди вичин эсер Гьажи Давуд яргъариз суьргуьн авуникай гъам-хажалат чІугунивди кхьенвайди я кьван.
Куьлуь-шуьлуь кагъазарни тупІалай авурла, заз анай са тІвар малум тушир маса шаирдин Гьажи Давудаз теснифнавай пашман шиир-эллегия ва Гьажи Давуда вичи теснифнавай шиирни гьалтна! Абур гъилелди кхьей кас АтІлухан эфенди ал–Агъакарани-агъастІалви яз къейднава. А хатІар арабдалди кхьенвайбур тир. За гьабурни чи чІалаз акъагъарна. Сифте чна Гьажи Давудан чІал гузва, ахпа муькуьбур.

Гьажи Давуд

Бязибуруз килигна зун

Бязибуруз килигна зун иердиз,
СикІерилай чеб фендигар, бетер я.
Къвезва садбур жанавуррин лужар хьиз,
Вучиз туштІа абур катран лувар хьиз?

Зун тажуб я, бязи чинар иер я.
Амма ахлакь лап шейтІанрин тегьер я.
Ахлакь сифте герек затІ я инсандиз,
ТахьайтІа ама ухшар жеда къабандиз.

Гьардаз чир жен илим-чІехи гьунар я.
Илим-балкІан, иес адан чамар я.
Къиямат къуз кьецІил жерла инсанар,
Илимлудаз илим жеда парталар

Авам ксар татаб жеда, алукьда,
Алим аршдин кукІва фена ацукьда…

Садыкиди кьатІизвайвал, сикІ яз къалурзавайди Сурхай хан я.  

Машгьур премиядин сагьиб

f6829513b252831ccaa22e26bc024ff0.jpg

Источник: Лезги газет
Автор: Куругъли Ферзалиев

И мукьвара чи ватанэгьли, Москвадин РАН-дин директордин меслятчи, бизнес-компанийрихъ галаз кьиле тухузвай проектрин координатор, Гидроэнергетикадин Международный Ассоциациядин (IHA) член Артур Билалович Алибегован проект Россиядин экологиядиз талукь вини дережадин шабагьдиз – “В.И.Вернадскийдин тIварунихъ галай экологический милли премиядиз” лайихлу хьана.
Артура РАН-дин экологиядин ва эволюциядин месэлайрин институтдихъ ва “РусГидро” тешкилатдихъ галаз санал 2016-йисалай кьиле тухузвай кIвалах Кеферпатан Осетияда яшамиш хьайи Кавказдин барс (пеленг хьтин йиртижи гьайван) мад иниз куьчар хъувунин (арадал хкунин) месэладиз бахшнава.
А.Алибегован ери-бине Ахцегь райондин Чеперин хуьряй я. Ам 1987-йисуз Украинада дидедиз хьана. Адан аял вахтар Дагъустанда акъатна. ЧIехи классра кIелзавайла, ам хизандихъ галаз Москвадиз куьч хьана ва ина мектеб, гуьгъуьнлай МГУП (Московский госуниверситет природообустройства) куьтягьна.
Студент тир вахтунда “Россиядин ЕЭС” РАО-да тежрибадин кIвалахар кьилиз акъуддайла, ватанэгьлиди вич алакьунар ва, кьилинди, ашкъи – майил авай гележегдин пешекар тирди къалурна. Гьавиляй ам, вуз куьтягьайвалди, “РусГидро” тешкилатдиз кIвалахал кьабулна. Ам гьа са вахтунда аспирантурадикни экечIна, кандидатвилин диссертациядин винел кIвалахиз эгечIна.
“РусГидро” тешкилатда кIвалахдив эгечIай Артур Россиядин вири чкайра цIийи ГЭС-ар эцигуниз талукь социальный ва экологический месэлаяр гьялун патал рекье туна. Жавабдарвални пешекарвал истемишзавай везифаяр цIийиз кIвалахал атай жегьил патал алакьунар ахтармишунин имтигьанриз элкъвена. Аквазвайвал, ватанэгьлидилай хиве авай кIвалахар хъсандиз бажармишиз алакьна. Ада Якутияда ГЭС эцигуниз талукь проектдин, Красноярский крайда энерго-металлургический тешкилат арадал гъунин, Волгадал алай Чебоксарский ГЭС-дин цин гьамбарханадин дережа хкажунин,  Бурейский, Усть-Среднеканский (Дальний Восток) ва маса ГЭС-ар эцигунин кIвалахра иштиракна. Дагъустан Республикадин Гоцатлдин, Амурский областдин Нижне-Бурейский ГЭС-ар эцигунин карда Артур Билаловича гьа сифтедилай агалкьунралди ишлемишиз вахкудалди кIвалахна.
2013-йисуз чи ватанэгьлидиз ООН-диз гидроэнергетикадин хилез регьбервал гун патал кIвалахал атун теклифна. Машгьур тешкилатда ада экологиядинни энергетикадин рекьяй цIудралди уьлквейра лап хъсан проектрин тежриба чирна. Дуьньядин дережада пешедин рекьяй тежриба кIватIайдалай кьулухъ Артур Алибегова “Сборник инновационных решений по сохранению биоразнообразия для гидроэнергетики” тIвар алай ктаб чапдай акъудна. И ктаб гидроэнергетикада тежрибадин кIвалахрикай менфят къачунин карда лап хъсанди яз гьисабзава.
2014-йисалай ада, ГЭС-ар эцигдайла, тIебиат хуьнин рекьяй хъсан чешнеяр къалурай “Бурейский компромисс” проектдиз регьбервал гана.
2017-йисуз Артура мад са важиблу кардик кьил кутуна: цин гьамбарханаяр ацIайла, гьайванар хуьдай ва абур гуьзчивилик кутадай серенжемар тешкилна. Ада вичини са шумуд сеферда ацIанвай цин гьамбарханайриз аватай гьайванар къутармишна. И проектни 2017-йисан лап хъсанбурукай яз гьисабна.
Менфятлу крарик кьил кутазвай ва абур мукьуфдивди макьсаддив агакьарзавай пешекар датIана гьерекатдик ква. ООН-да вичин везифаяр кьилиз акъуддай вахтунда ада Волгоградский областдин Волго-Ахтубинский вацIарин яд алахьдай къерехарни гуьнгуьна хтунин кIвалахар тешкилна. 2017-йисуз проект агалкьунралди кьилиз акъудайдалай кьулухъ 2018-йисалай Артура Москвада РАН-да кIвалахиз эгечIна.
Ватанэгьлиди кьилиз акъудай энергетикадин хилез талукь илимдинни тежрибадин кIвалахриз пешекаррин гегьенш къатари фикир гана. Кьилди къачуртIа, Артура вичин амадагрихъ-пешекаррихъ галаз санал электроэнергиядин гидро-ракъинин генерациядин концепция туькIуьрна. И кIвалахрай Артур “Гидроэнергетикадин лап хъсан алим” тIварцIиз лайихлу хьана. Адан илимдинни тежрибадин кIвалахрикай “РусГидро” тешкилатди тежрибада менфят къачуз эгечIна.
Алай йисуз Артуран команда Россиядин Минэнергодин конкурсдин гъалибчи хьана. Ватанэгьлиди алай вахтунда электроэнергетика мягькем камаралди вилик тухунин ва экологиядин месэлайриз талукь са жерге илимрин кIвалахар гъиле кьунва.
Артур Алибегов ватанпересвилин руьгь авай кьегьал я. Дагъустандиз ам гьар йисуз хквезва. Мергьяматлувилин “ЛЕКИ” фондунин векилрикай сад я. Ватанэгьлиди Дагъустанда Самур вацIни ахтармишна, адан мумкинвилер чирна. Самурдин артезианский цин месэла чирунални хъсан пешекар Артур Алибегов желбна, ада и проектдин нетижада экологиядин жигьетдай арадал къведай хаталувилериз талукь къарар гьазурна. Лезги халкьдин общественный уьмуьрда Артура маса ватанэгьлийрихъ галаз санал Лезгинцеврин хизандин ирсиниз талукь месэлайризни, Махачкъалада памятник эцигунин кар акьалтIарунизни фикир гузва.
Бажарагълу пешекар 2030-йисал кьван энергетика вилик тухунин лап хъсан гьалар виликамаз тайинарунин конкурсда гъалиб хьунай Минэнергоди, электроэнергетика вилик тухуник пай кутунай “РусГидроди” грамотайралди къейдна. Чухсагъулдин чарар, гьуьрметдин грамотаяр адахъ мадни гзаф ава.
Къуй адахъ гележегдани анжах агалкьунар хьурай!

ОБЪЯВЛЕНИЕ


Обращаем ваше внимание на объявление, поступившее от администрации села Джаба.

Уважаемый джабинский джамаат!


      На недавнем совещании у Главы Ахтынского района принято решение   о перерегистрации сельских домов района. Всем, у кого есть дом в селении Джаба необходимо срочно получить у сельского (Джабинского) Главы справку и представить в район для получения «зеленки». На все это выделено 10 дней (до 20.082018года). Дома тех, кто не успеет представить справку в срок, будут  отключены от электричества и газа представителями соответствующих организаций, которым сверху дано такое указание.  

С уважением, Глава администрации селения Джаба. (тел. 89634187620, Забитов Багъир)

Чепивияр гьар сана. Вагьидин Абдулгьалимов.

Азаррикай саламат я. Лезги Газет.


Джабинец Ага Мамедов организовал масштабный Ифтар в Москве

«Поистине, у Аллаха Всемогущего и Великого во время каждого разговения есть те, кого Он освобождает от Огня, и это происходит каждую ночь».

Вчера в городе Зеленоград состоялся масштабный Ифтар, организатором которого являлся Джабинец Мамедов Ага Шакирович.

Среди приглашённых были наши уважаемые земляки Джабинцы. Так же были гости не только с района, но и со всего Дагестана.

На Ифтаре выступили с речью Имам Московской области Мухутдинов Д.Н и заместитель Мухтасибатского собрания мусульман Московской области Гитинов М.М.

В конце Имам области вручил организатору Благодарственное письмо и выразил слова благодарности!

Фото здесь.

АЧУХ ТАРС (школайрин муаллимриз куьмек)


          И агъадихъ галай "Ачух тарс", за  мергьяметлувилин Фонд ЛЕКИ-дин т1алабуналди лезги хуьрерани районра авай школаяр патал, ч1ехи классра авай аялриз ва абурун муаллимриз куьмек яз гьазурайди я.


                                                                                      А Ч У Х  Т А Р С  (< <<<<инал илис!)

e0bab0e2d59cf67d0c5d27eba7b128cc.jpg
Фото:

Москвада – прокурорвиле

54172fa10b92e5bdb8ee28e8962ea5aa.jpg Источник: Лезги газет
Автор: Куругъли Ферзалиев
Вичин ери-бине Ахцегь райондин Чеперин хуьряй тир  Анри  Шамединович  Ризаева  2017-йисан 30-мартдилай Москвадин СВАО-дин (Кефердинни Рагъэкъечlдай патан адми­ни­ст­ративный округ) прокурорвиле кlвалах­зава.  РФ-дин генпрокурор Юрий Чайкадин къарардалди, прокурорвиле тайинардалди вилик Анри Ризаева са йисалайни гзаф вахтунда округдин прокурордин заместителдин везифаяр тамамарна.  Махачкъалада чlехи хьайи А.Ризаева 1993-йисуз Тверь шегьердин госуниверситет куьтягьна. 1991-1997-йисара ада Москвадин Зеленоградский округдин прокурордин куьмекчи яз, 1997-2001-йисара Москвадин прокуратурада силисрин крарал гуьзчивал тухунин рекьяй управленидин методико-криминалистический отделда чlехи прокурорвиле зегьмет чIугуна.  Юстициядин чlехи меслятчивилин тlвар къазанмишнавай чи ватанэгьлиди 2001-2016-йисара Москвадин Зеленоградский округдин прокурордин заместителвиле ва сад лагьай заместителвиле кlвалахна. 2016-йисан январдиз ам Москвадин СВАО-дин прокурордин заместителвиле тайинарна.  А.Ризаеван гьакъиндай Интернетда сада ихьтин къейд кхьенва: “Анри Шамединович чи чlехи уьлкведин михьи, гьахълу, гьакъисагъ ва камаллу прокурор я. Ам мадни чlехи къуллугъдал хьуниз лайихлу я”.  Анри Ризаева прокуратурадин къурулушда зегьмет чlугваз 25 йис хьанва. Инсанперес­вални адалатлувал, гьакъисагъвални кIва­лах­дин  бегьерлувал сифте чкадал эцигзавай­ лезги, къуллугъдин рекьяй Москвадин Зеленоградский округда кlвалахай йисарилай эгечlна, вини дережайриз хкаж хьана. Чна адахъ мадни зурба агалкьунар хьун вилив хуьзва.

Касбуба Азизханован - 90 йис (Лезги Газетдай)

2a27848386eab460bbf3d7d9c9011d42.jpg

Лукьманан вафалу хва
Фото: